د مهاجرینو چارو سرپرست د لوګر ولایت د مهاجرینو چارو له آمریت څخه لیدنه وکړه
د مهاجرینو او راستنېدونکو چارو سرپرست وزیر الحاج خلیل الرحمن حقاني لوګر ولایت ته د خپل سفر په ترڅ کې ددغه ولایت د مهاجرینو چارو له آمریت لیدنه وکړه
د مهاجرینو چارو وزیر د یاد امریت د کارونو ارزونه وکړه، د کارکوونکو ستونزې یې واورېدې او د حل ډاډ یې ورکړ
ښاغلي حقاني وویل، د هېواد ټول اتباع که د هر دین او مذهب سره تعلق ولري پرمونږ حق لري او مونږ ددوی پروړاندې مسؤل یو
نوموړي کارکوونکو ته په کارونو کې د شفافیت، چټکتیا، د شریعت پابندي، بیت المال ساتنه، له ولایتي ادارې سره همغږي، وظیفوي غفلت څخه ځان ژغورل او یو لړ نورې اړینې سپارښتنې وکړې