د مهاجرینو په برخه کې د ملګرو ملتونو د لوی کمیشنر مرستیاله مېرمن کیلي کلیمینتس کابل ته په سفر راغله
د مهاجرینو (UNHCR) په برخه کې ملګرو ملتونو د لوی کمیشنر مرستیاله مېرمن کیلي کلیمینتس د لوړپوړي هیٸت په ملتیا سره د جوزا میاشتې په ٢٢مه کابل ته سفر وکه.
د مهاجرینو او بېرته راستنېدونکو چارو وزیر الحاج خلیل الرحمن حقاني د مېرمن کلیمینتس ته د ښه راغلاست ترڅنګ د (UNHCR) ادارې له مرستو مننه وکړه او زیاته یې کړه: اوس د افغانستان په ګوټ ګوټ کې امنیت ټینګ دی، او دېته اړتیا ده چې د افغانستان له خلکو سره ډېره مرسته وشي.
د (UNHCR) اداره هر وخت د افغانستان د خلکو سره په ځانګړي ډول داخلي بېځایه شوي، بېرته راستنېدونکي، او مهاجرینو تر څنګ ولاړه ده، موږ د دغې ادارې د نورو مرستو او همکاریو غوښتنه کوو، په ځانګړې توګه د اړمندو کسانو دوه طبقو ته، همدارنګه د افغانستان اسلامي امارت د هر ډول همکاریو هرکلی او مننه کوي.
وروسته د مهاجرینو په برخه کې د ملګرو ملتونو د لوی کمیشنر مرستیالې مېرمن کیلي کلیمینتس وویل: د دغه سفر اصلي موخه د خلکو په وضعیت باندې پوهېدل، او د افغانستان له خلکو سره د نورو مرستو هڅه ده. دغه اداره به هڅه وکړي ترڅو د داخلي بېځایه شویو او بېرته راستنېدوکو په برخه کې نورې مرستې وکړي.
