د مهاجرینو وزارت ۱۳ کارکوونکي د کمپیوټر له زده کړو فارغ شول
د مهارجرینو او راستنېدونکو چارو وزارت ۱۳ تنه کارکوونکي د کمپیوټر له ۲ میاشتنۍ زده کړو وروسته د فراغت سندونه تر لاسه کړل.
د زده کړو دغه برنامه د مهاجرینو وزارت د بشري سرچینو ریاست د ظرفیت لوړونې امریت له لوري په لاره اچول شوې وه.
دغو مراسمو په تړاو جوړه شوې غونډه ته د یاد وزارت مالي او ادارې معین شیخ کلیم الرحمن فاني په خبرو کې وویل: نن چې کوم کسان د نظام او ټولنې خدمت لپاره وړاندې کیږي، اسلامي امارت مجاهدینو د کفارو پر وړاندې د ۲۰ کلنې مبارزې پایله ده.
نوموړي زیاته کړه، لکه څرنګه چې په تېرو دوو لسیزو کې مو بهرنیانو ته خپل زور ښودلی اوس په علمي او تجربوي سویه ډګر ته راوځو، هم د جهاد په ډګر کې او هم د سیاست په میدان کې بریالي وو او د الله ج په قوت سره به د مدیریت په ډګر کې هم بریالي کیږو.
د غونډې په پای کې د مالي او ادراي معین، د نظارت او ارزیابۍ او بشري سرچینو رییسانو له لوري یاد شمېر فارغانو ته د فراغت سندونه وویشل شول
