د مهاجرینو وزارت د دفتر رییس د قطر سرې میاشتې ادارې له رییس سره وکتل

د مهاجرینو او راستنېدونکو چارو وزارت د دفتر رییس محترم مولوي سعید احمد بنوري د قطر هېواد د سرې میاشتې ادارې له رییس حسین احمد بوتاني او مل پلاوي سره وکتل.
په دې لیدنه کې چې د افغان خیریه او تعلیمي موسسې مسوول هم ګډون درلود، د پکتیا رباط سیمه کې د مهاجرینو لپاره د ۱۰۰ کورونو د جوړولو د کار پرمختګ او همغږۍ په اړه بحث او خبرې وشوې.
ښاغلي بنوري هغوی ته ښه راغلاست وویل او زیاته یې کړه: ډېری افغانان په څو لسیزو کې د پردیو تېرو څخه له هېواده مهاجر شوي وو، خو له نېکه مرغه د اسلامي امارت بیاځلې واکمنېدو سره په هېواد کې سرتاسري امنیت ټینګ شوی، چې ډېری مهاجرین بېرته هېواد ته راستانه شول.
زموږ موخه، کار او مسوولیت په مختلفو برخو کې د راستنېدونکو مهاجرینو ملاتړ دی، تر څو د هغوی ستونزې هوارې شي.
محترم بنوري په هېواد کې د قطر د سرې میاشتې ادارې له مرستې مننه وکړه او په پکتیا کې یې د مهاجرینو لپاره د ۱۰۰ کورونو د کارونو پر بشپړولو ټینګار وکړ.
د قطر سرې میاشتې ادارې رییس په دې لیدنه کې د مهاجرینو وزارت له ښې همغږۍ مننه وکړه او ویې ویل: چې په دوامداره توګه به د مهاجرینو ستونزو ته رسېدنه کوي.
نوموړي پکتیا مهاجرینو ښارګوټي کې د کورونو جوړولو په اړه معلومات ورکړل او په دغه ښارګوټي کې یې د ۲۰ نورو کورونو جوړولو خبر ورکړ.