د مهاجرينو چارو وزير د دغه وزارت د دفترونو د کاري بهير څخه ليدنه وکړه
د مهاجرينو او راستنېدونکو چارو وزير الحاج خليل الرحمن حقان ي د لړم په (۲۵) مه د دغه وزارت د دفترونو د کاري بهير څخه ليدنه وکړه.
ښاغلي حقان ي د دفترونو نه د ليدنې پر مهال له کار کوونکو څخه د کړنو، د پرسونل د شمېر، شته امکاناتو او د هغو ستونزو په اړه پوښتنې وکړې او اړوند مسؤلينو ته يې د يوشمېر ستونو د حل په موخه لازمې لار ښوونې وکړې.
هغه کار کوونکو ته وويل، چې خپلې چارې دې له شرعي احکامو سره سمې او په وزارت کې دې د ديني علومو، کمپيوټر او انګليسئي ژبې د برابرو شوو ښوونيزو برنامو څخه اعظيمه ګټه پورته کړي، په ټولو کورسونوکې دې د حاضرۍ پابند وي او هغه څه چې تاسې ته د دندو او مسؤلينو په برخه کې در سپارل شوي، په شفاف ډول پروخت ترسره کړئ او د وخت د ضايع کېدو څخه ډډه وکړئ.
هغه زياته کړه، چې ستاسې د دفترونو څخه ليدنه او د کاري بهير څېړنه په بېلابېلو وختونو کې زما او د وزارت د يوشمېر چارواکو له لورې ترسره کېږي او د ستونزې پروخت به ورته پاملرنه کېږي.
