د مهاجرينو چارو وزير اړمنو ته دخدمت کولو په جدي کار ټيڼګار وکړ
د مهاجرينو او راستنېدونکو چارو وزارت اداري ناسته د وږي په ( ۲۷) مه ترسره شوه، چې پکې د اداري فعاليتونو د لاهمغږۍ، اړمنو ته دخدمت کولو په جدي کار ، د بيا يوځای کېدو پروګرام دڅرنګوالي په پلي کېدو په اړه خبرې وشوې.
په ناسته کې د مهاجرينو او راستنېدونکو چارو وزير الحاج خليل الرحمن حقاني، مالي او اداري مرستيال الحاج محمد ارسلاح خروټي، مسلکي مرستيال مولوي عبدالرحمن راشد، سلاکارنو ، رئيسانو د بېلابېلو برخو مسؤلينو شتون درلود.
ناسته د وزارت د حقوقي سلاکار قاري محمود شاه د قران عظيم الشان د مبارکو اياتونو په تلاوت سره پيل شوه او د بېلابېلو برخو مسؤلينو دخپلو فعاليتونو او دندو په اړه معلومات ورکړل.
د مهاجرينو وزير اړمنو کورنيو ته دخدمت کولو په جدي کار کولو ټينګار وکړ او د وزارت د بېلابېلو برخو مسؤلينو ته يې لارښوونه وکړه، چې له اړمنو سره دې د مرستو رسولو په برخه کې په رښتني توګه لازياته همکاري او کار وکړي.
