د مهاجرينو چارو وزارت ډريورانو ته روزنيز ورکشاپ ترسره شو
د ترانسپورت وزارت او د کابل ولايت د ترافيکو رياست په همغږۍ د مهاجرينو چارو وزارت ډريورانو ته د ترافيکي قوانينو او د موټرو د ساتنې په اړه د غبرګولي په (۲۰) مه رو زنيز ورکشاپ ترسره شو.
په ياده برنامه کې، چې د يوې ورځې لپاره د مهاجرينو چارو وزارت د ناستو په تالار کې ترسره شوه، په لومړي سر کې د مهاجرينو چارو وزارت د بشري سرچينو رئيس مفتي مدير ګل احمدي د موضوع اړوند خبرې وکړې او د موټر چلوونکو په مسلکيتوب، وړتيا، ښو اخلاقو او د وسايطو په ساتنې يې ټيڼګار وکړ.
وروسته د ترانسپورت وزارت استازي انجينر حنيف الله د موټر چلوونکو د تخنيکي او عملياتي مکلفيتونو، وسايطو د ساتنې، ترافيکي مقرراتو او د وسايطو څخه د ښې استفادې په اړه د ورکشاپ ګډنوالوته پريزينټيشن وړاندې کړ.
هغه په خپلو خبرو پردې ټينګار وکړ، چې له ياد ورکشاپ څخه دې اغېزمنه استفاده وشي او هيله يې څرګنده کړه، چې دغه ورکشاپ به د تخنيکي او مسلکي خدمتونو کيفيت لوړ کړي.
