د مهاجرينو چارو وزارت مسلکي معين نيمروز ولايت ته سفر وکړ
د مهاجرینو او راستنېدونکو چارو وزارت مسلکي معین مولوي عبدالرحمن راشد د اسلامي امارت د زعیم د حکم په اساس د لړم میاشتې په ۲۷ نېټه نیمروز ولایت ته سفر وکړ.
ښاغلي راشد او ور سره مل پلاوي د نیمروز ولایت له علماوو او مخورو سره له زرنج ښار څخه غرغري سېمې ته د نیمروز ولایت د مرکز د انتقال په اړه مشورتي غونډه وکړه.
مسلکي معین او ورسره مل پلاوي په یاده ناسته کې د یاد ولایت د علماوو او مخورو نظرونه واورېدل او زیاته یې کړه، چې د شته شرایطو په پام کې نیولو سره به د دوی نظریات د تصمیم نیونې په موخه د اسلامي امارت عالي مقاماتو ته وړاندې کړي.
ياد شوي پلاوي د غرغري له سيمې څخه هم ليدنه وکړه.
