د مهاجرينو چارو وزارت مسلکي مرستیال د کندهار والي سره وکتل
د مهاجرینو او راستنېدونکو چارو وزارت مسلکي مرستیال الحاج مولوي عبدالرحمن راشد د کندهار ولایت له والي ملا شیرین سره وکتل.
په دې کتنه کې له مسلکي مرستیال سره د کندهار ولايت د مهاجرينو چارو رييس مولوي بادام، د وزارت د حقوقي ملاتړ رییس الحاج غلام نبي الله داد خېل ستانکزی او د وزارت د تخنيکي ټيم غړي هم مل وو، چې د مهاجرينو د ستونزو د حل او په دغه ولایت کې د داخلي بېځایه شویو په اړه خبرې پکې وشوې.
په دې کتنه کې د کندهار والي ښاغلي راشد ته د بېځایه شویو او مهاجرینو د ستونزو د حل په برخه کې د خپلې همکارۍ ډاډ ورکړ.
