د مهاجرينو او ارستنېدونکو چارو وزارت اوهمکارو بنسټونو ترمېنځ د وږي په (۲۶) مه د همکاريو پېنځه هوکړه ليکونه لاسليک شول.
د لاسليک شوو هوکړه ليکونو پربنسټ، چې ارزښت يې (۲) ميليونه، ۹۳۱) زره او (۷۳۶) امريکايي ډالره کېږي، د کمپو موسسه به په کابل کې د کور جوړولو، د افغان ايد موسسه به په غور، د آی آر سي موسسه به په بادغيس کې د خوراکي توکو د وېش، د اړمنو خلکو خيريه بنسټ په ميدان وردګو او د اکرو موسسه په پکتيکا، پکتيا او غزني کې اړمنو او مستحقو کورنيو سره مرستې کوي.
ياد هوکړه ليکونه د مهاجرينو او راستنېدونکوچارو وزارت د مسلکي مرستيال مولوي عبدالرحمن راشد او د يادو موسسو د استازو ترمېنځ لاسليک شول.
ښاغلي عبدالرحمن راشد د هوکړه ليکونو د لاسليک پرمهال د پروژو په روښانه او دقيق پلي کېدو ټينګار وکړ او يې ويل: (( وزارت به د ټولو هوکړه ليکونو له پلي کېدو څخه جدي څارنه کوي او د سرغړونې په صورت کې به د پروژو چار ودروي)).
نوموړي د ادارو له مسؤلينو وغوښتل، چې په پوره اخلاص او دقت سره عمل وکړي او مرستې له هرډول فساد پرته په شفاف ډول اړمنو او مستحقو کورنيو ته ورسوي.
د داخلي بېځايه شوو رئيس او د وزارت د هوکړه ليکونو د کمېټې رئيس مولوي سردار محمد شېرزاد هم د هوکړ ليکونو د پلي کېدو پر شفافيت ټيڼګار وکړ.