د مهاجرينو او راستنېدونکو چارو وزارت د دفتر رئيس د IOM دفتر له استازو سره په خپل کاري دفتر کې وليدل

د مهاجرينو او راستنېدونکو چارو وزارت د دفتر رئيس الحاج قاري محمد اجمل د IOM ادارې له استازو سره په بيلابيلو مسائلو خبرې وکړې.
دواړو لوريو راستنېدونکو لپاره د باعزته ليږد، ټرانسپورټي اسانتياوو، په کابل هواي ډګر کې د مرکز فعالولو، د شته ستونزو د هواري لپاره د تخنيکي کميټې د جوړولو، د سياسي ستونزو څخه د کارونو د لرې والي، د هوکړه ليک رامنځته کول، د انساني مرستو په برخه کې د اسانتياوو رامنځته کولو او نور اړونده موضوعاتو په اړه خپل نظرونه شريک کړل.
په پای کې دواړو لوريو په دې برخه کې يو بل ته د لازمو اسانتياوو د برابرولو ډاډ ورکړ.