د فراه ولایت د مهاجرېنو رئیس د مهاجرېنو او راستنېدونکو چارو وزارت له مالي او اداري معین سره ولیدل.
نن پنجشنبه د ١٤٠٤ لمریزکال د غويی میاشتې په ١٨مه د فراه ولایت د مهاجرېنو رئیس مولوي حذیفه د مهاجرېنو او راستنېدونکو چارو وزارت له مالي او اداري معین شیخ کلیم الرحمن فاني سره ولیدل.
دا لیدنه چې د ښاغلي فاني په کاري دفتر کې ترسره شوه، د فراه د کډوالو رئیس خپل فعالیتونه او لاسته راوړنې له مالي او اداري معین سره شریکې کړې، او د یادې ادارې په بېلابېلو برخو کې یې ځینې ستونزې هم بیان کړې، چې ښاغلي فاني د هغو د حل ډاډ ورکړ.
