د سويل ختيځ زون د څلورو ولايتونو په کچه د قومي شخړو د حل په موخه شورا تشکیل شوه

sadam_morr
پنجشنبه ۱۴۰۱/۲/۲۹ - ۲۱:۰
صدام انوری
د خوست ولایت مقام د ناستو په تالار کې د مهاجرینو او راستنېدونکو چارو وزیر الحاج خلیل الرحمان حقاني په مشرۍ يوه لویه پرتمینه غونډه وشوه
په دغه ناسته کې د څلور ولایتونو خوست، پکتیا، پکتیکا او لوګر د والیانو ترڅنګ ددغه ولایتونو علماؤ او قومي مشرانو هم ګډون درلود
ښاغلي حقاني په خپله وينا کې د قومي شخړو، ناوړه دودونو او د يادې شورا د جوړولو د اهميت ترڅنګ وويل چې سر له نن څخه هیڅوک په بل چا د تجاوز حق نلري او ټولې ستونزې به د خبرو له لارې هوارېږي نوموړي زیاته کړه، دا شورا یوازې ددغه ولایتونو پورې محدوده نه ده او ژر به د هیواد ټولو ولایتونو ته وغځېږي
ناستې ته د خوست والي مولوي محمد نبي عمري، د پکتیا والي مولوي احمد علي جان، د پکتیکا والي مولوي عبدالله مختار او د لوګر والي مولوي عنایت الله ویناوې وکړې او د شورا جوړول يې ګټور ګام وباله او په تعقیب یې د څلورو ولایتونو علماؤ، قومي مشرانو او مخورو هریو په خپل نوبت وینا وکړه او جرګه یې د اسلامي شریعت او د افغاني کلتور له مخې مهمه وبلله
د یادونې وړ ده، چې په خوست ولایت کې له ډېرې مودې راهیسې د منګلو او زامبر قومونو ترمنځ د ځمکې پرسر شخړه ده، چې له دواړو لورو لسګونه کسان پکې وژل شوي
په دغه ناسته کې پریکړه وشوه، چې نهایي حل ته رسېدو پورې به دوی اور بند کوي او شورا به دغه معضلې ته د خبرو اترو له لارې د پای ټکی ږدي

تازه خبرونه

پنجشنبه ۱۴۰۱/۴/۹ - ۱۲:۱۸
Background image

د خوست ولايت د سپېرې ولسوالۍ د دولس (۱۲) لويو کليو په زلزله ځپلو آړمنو کورنیو مرسته وویشل شوه

د افغانستان د اسلامي امارت د مهاجرينو او راستنېدونکو چارو وزارت د قدرمن وزير صاحب د نظر لاندی او د ياد وزارت په همکارۍ د روان کال د غبرګولي په 7مه د دوشنبي په ورځ د ياد ولايت په دولسو. . .
دوشنبه ۱۴۰۱/۴/۶ - ۸:۳۵
Background image

د مهاجرینو چارو وزیر د زلزله ځپلو سره د مرستو له بهیر څخه څارنه وکړه

د مهاجرینو او راستنېدونکو چارو وزیر الحاج خلیل الرحمن حقاني د خوست ولایت سپېرې ولسوالۍ او پکتیکا ولایت برمل ولسوالۍ کې له زلزله ځپلو سره د مرستو بهیر څارنه وکړه، د مرستو د ویش. . .
یکشنبه ۱۴۰۱/۴/۵ - ۲۳:۳۵
Background image

د بېلابېلو ادارو ترمنځ ګډه ناسته ترسره شوه

د پکتیکا او خوست ولایتونو د وروستۍ زلزلې له امله له زیانمنو شویو کورنیو سره د مرستې په موخه ګډه غونډه د یکشنبې په ورځ د سرطان په ۵مه د مهاجرینو، د پېښو سره د مبارزې، اقتصاد او عامې. . .

بېرته خبرونه ته