د بېلابېلو ادارو ترمنځ ګډه ناسته ترسره شوه

sadam_morr
یکشنبه ۱۴۰۱/۴/۵ - ۲۳:۳۵
sadam_mo
د پکتیکا او خوست ولایتونو د وروستۍ زلزلې له امله له زیانمنو شویو کورنیو سره د مرستې په موخه ګډه غونډه د یکشنبې په ورځ د سرطان په ۵مه د مهاجرینو، د پېښو سره د مبارزې، اقتصاد او عامې روغتیا وزارتونو، د سرې میاشتې ادارې، او مرستندویه موسسو ترمنځ د مهاجرینو چارو په وزارت کې جوړه شوه.
د غونډې په پيل کې د مهاجرینو چارو وزارت معين الحاج محمد ارسلا خروټي له مرسته کوونکو موسسو څخه د مننې ترڅنګ د بېلابېلو ادارو او نړيوالو بنسټونو ترمنځ په لا زياتې همغږۍ باندې ټينګار وکړ او ويې ويل: د خوست او پکتیکا ولایت اوسېدونکو ته درانه ځاني او مالي تلفات اوښتي دي، چې اوس هم د نوموړو سیمو د اوسېدونکو د ژوند چارې د ګڼو ستونزو سره مخ دي، او اړتیا ده چې ټولې مسوؤلې ادارې باید د مهاجرینو چارو وزارت لخوا ټاکل شوي کمیسیون سره په همغږۍ مرسته وکړي، او د خپلو خبرو په اوږدو کې ياده کړه، د زلزله ځپلو کورنيو لپاره دا مرستې بسنه نکوي بايد له دوى سره بنيادي او تهدابي مرستې وشي تر څو د دوى ستونزې په مکمل ډول حل شي.
ورپسې د اقتصاد وزارت د دفتر رئیس شیخ عبدالباري، د عامې روغتیا وزارت استازي عنایت الله او د سرې میاشتې د ادارې استازي محمد صالح اخندزاده هم د بېلابېلو وزارتونو او موسسو ترمنځ د مرستو پر همغږۍ ټینګار وکړ او د خپلو اړوندو ادارو د مرستې ډاډ یې ورکړ.
په ورته وخت کې د ملګرو ملتونو د بشري چارو د همغږۍ د دفتر (OCHA) مرستیال محمد خاطر زید وویل: د ځپل شویو سیمو اوسېدونکي لا زیاتو مرستو ته اړتیا لري او دا اداره د مهاجرینو چارو وزارت او مرستندویه موسسو ترمنځ د لا ډېرې همغږۍ لپاره چمتو ده، او همدارنګه په یادو سیمو کې د زلزلې د پېښېدو سره سم د OCHA ادارې کوښښ وکړ چې ډېره همغږي او ډاډ رامنځته کړي. مګر رسېدلې مرستې کافي ندي او اړتیا ده چې نورې مرستې هم وشي.
sadam _ morr
sadam _ morrsadam _morrsadam _ morrsadam _ morr

 

تازه خبرونه

یکشنبه ۱۴۰۱/۵/۲۳ - ۱۴:۹
Background image

گزارش کاری یکساله وزارت امور مهاجرین با رسانه ها شریک شد

مسئولان وزارت امور مهاجرین و عودت کنندگان روز یکشنبه 23 اسد به مرکز رسانه های حکومت حضور یافته و طی نشست مطبوعاتی از فعالیت ها و کارکرد های یکساله این وزارت به رسانه و مردم گزارش دادند.. . .

سه‌شنبه ۱۴۰۱/۵/۱۱ - ۱۲:۳۷
Background image

د زلزلې له امله ویجاړو شوو کورونو د بیا رغونې لپاره عمومي سروی پیل شوه


د پکتیکا ولایت ۳ ولسوالیو، ګیان، برمل، زیړوک او د خوست ولایت سپېرې ولسوالۍ کې د ا. ا. ا. د ځانګړې کمېټې له لورې، چې له څو سکتوري وزارتونو څخه تشکیل شوې ده، د کورونو د بیا رغونې لپاره د. . .

دوشنبه ۱۴۰۱/۵/۱۰ - ۸:۵۱
Background image

د پکتیکا ولایت د مهاجرینو ریاست د کارونو ارزونه وشوه

د مهاجرینو او راستنېدونکو چارو مرستیال الحاج محمد ارسلاح خروټي پکتیکا ولایت زیړوک ولسوالۍ ته د سفر پر مهال د پکتیکا ولایت د مهاجرینو چارو له ریاست څخه لیدنه وکړه
د ریاست کارکونکو. . .

بېرته خبرونه ته