دملګرو ملتونو دکډوالو ادارې ريېسې د کډوالو چارو د سرپرست وزير سره  ليدنه وکړه

anwari_morr
پنجشنبه ۱۳۹۹/۶/۲۷ - ۹:۵۰
123

د ملګرو ملتونو دکډوالو ادارې  (UNHCR)رئيسې دچهارشنبې د تېرې چهارشنبې په ورځ دوږي په ۲۶مه د کډوالو او راستنېدونکو چارو وزارت نوماند او سرپرست وزير نور حمن اخلاقي سره  د پېژندنې ليدنه وکړه او ددې وزارت سره يې دکډوالو او راستنېدونکو د مديريت په برخه کې ژمنه وکړه.

په دغه ليدنه کې ميرمن ون بيورن د کډوالو او راستنېدونکو چارو وزارت نوماند او سرپرست وزير ته مبارکي وويله او ټينکار يې وکړ،چې دغه وزارت دکډوالو او راستنېدونکو سره دخپلو کړو ژمنو په برخه کې دملګرو ملتونو سره  يو له مهمو او کليدي وزارتونو څخه دی.

نوموړې د ملګرو ملتونو ادارې په اړه دکډوالو سرپرست او نوماند وزير ته معلومات ورکړل او هغه ته يې بلنه وکړه چې په راتلونکې اکتوبر مياشت کې په دريو مهموناستو کې ګډون وکړي او په دغه ناسته کې يې د ښاغلي اخلاقي ګډون مهم وباله.

 

د کډوالو او راستنېدونکوچارو نوماند او سرپرست وزير په افغانستان کې د دملګرو متلونو دکډوالو ادارې (UNHCR) د پلانونو څخه هرکلی وکړ او مننه يې وکړه چې د وزارت دموخو او د بېځايه شوو او راستنېدونکو دحقونو ترلاسه کولو لپاره ګډ کار کوي او په راتلونکو ناستوکې د ګډون لپاره يې خپل چمتوالی اعلان کړ.

تازه خبرونه

شنبه ۱۳۹۹/۸/۳ - ۱۵:۸
Background image

تېره اونۍ په هېواد کې زرګونه بېځايه شوو کورنيوسره مرستې شوي

 

په تېرې يوې اونۍ کې د هېواد په يولسو ولايتونوکې ۴۱۶۶ بېځايه شوو کورنيوسره د تلې د ۲۶ نېټې څخه د لړم تر لومړۍ نېټې پورې د کډوالو او راستنېدونکو چارو وزارت په همغږئ د يوشمېر مرستندويه. . .

پنجشنبه ۱۳۹۹/۸/۱ - ۱۸:۴۵
Background image

د پناه غوښتونکو مرستيال د کډوالۍ دپراختيا دنړيوالې همکارۍ د مسؤل سره وليدل

د کډوالو او راستنېدونکو چارو وزارت د پناه غوښتونکو مرستيال وفي الله کاکړ د تلې په ۲۹مه له غرمې وروسته د کډوالۍ دپراختيا دنړيوالې همکارۍ (ICMPD)د برخې له رئيس مارتاين پلوم سره ليدنه وکړه. . .

پنجشنبه ۱۳۹۹/۸/۱ - ۸:۴۱
Background image

په کابل کې دناروې سفير دکډوالو وزارت سرپرست او نوماند وزير سره وليدل

په کابل کې د ناورې سفير اولی اندريس لندمن د کډوالو او راستنېدونکو چارو وزارت سرپرست او نوماند وزير نورالرحمن اخلاقي سره وليدل.

په دغه ناسته کې په ناروې هېواد کې د افغان کډوالو د وضعيت،. . .

بېرته خبرونه ته