د پاکستان په پېښور ښار کې د اسلامي امارت د اتشو ترمنځ د همغږۍ ناسته ترسره شوه
د پاکستان په پېښور ښار کې د افغان مهاجرينو چارو اتشې د خبر له مخې، د روان کال د سلواغې پر اتمه نېټه د مهاجرينو چارو، پوهنې، فرهنګي چارو او ترانسپورت اتشو ترمنځ ګډه ناسته وشوه.
په دې ناسته کې په دغه هېواد کې د مېشتو افغان کډوالو د ستونزو د حل او د هغوی د وضعیت، د حل د لارو چارو د موندلو او په راتلونکي کې د هغې د پلي کولو په برخه کې د کوربه هېواد له ادارو سره د همغږۍ په اړه خبرې وشوې.