د کډوالو او راستنېدونکو چارو سرپرست وزیر محترم مولوي عبدالکبیر د کورنیو چارو وزارت د پالیسۍ او ستراتېژۍ له مرستیال مولوي عبدالحق مخدوم سره ولیدل.
په دې ناسته کې ښاغلي مولوي عبدالحق د کډوالو لپاره د غوره امنیتي چاپېریال د برابرولو ترڅنګ ډاډ ورکړ، چې په ټولو ولایاتو کې به د پولیسو اړونده مسؤولین او منسوبین د کډوالو لپاره لازم چمتووالی ولري.
د کډوالو او راستنېدونکیو چارو سرپرست وزیر محترم مولوي عبدالکبیر له ټولو امارتي ادارو او عامو هېوادوالو څخه د کډوالو لپاره له چمتووالي او مرستو څخه د مننې ترڅنګ وویل، چې راستنېدونکي هېوادوال له ډېرو کلونو وروسته خپل هېواد ته راځي او اړتیا ده چې ښه هرکلی یې وشي. هغه یو ځل بیا وویل، په اجباري ډول د کډوالو ایستل د ټولو اصولو خلاف عمل دی.
