د مهاجرینو چارو سرپرست د ننګرهار ولایت مختلفو قومونو له مشرانو سره ولیدل

anwari_morr
چهارشنبه ۱۴۰۲/۹/۱۵ - ۱۵:۹
0-

د مهاجرینو او راستنېدونکو چارو سرپرست وزیر الحاج خلیل الرحمن حقاني ننګرهار ولایت ته د خپل سفر په ترڅ کې ددغه ولایت د مختلفو قومونو او ولسونو له علماو، مخورو او مشرانو سره د سرحدونو، قومونو او قبايلو چارو ریاست د غونډو په تالار کې ولیدل
د مهاجرینو چارو وزیر د خپلو خبرو پرمهال وویل، د ولس خدمت زمونږ دیني او شرعي وجیبه ده، د اسلامي نظام په ټینګښت سره د افغانانو سر، مال، خاوره او اسلامي او ملي ارزښتونه خوندي شوي دي او هیچاته به اجازه ورنکړو، چې دا ملت په قومي، سمتي او ژبني توپیرونو سره وویشي
د مهاجرینو چارو وزیر وویل: مونږ د راستنېدونکو مهاجرینو لپاره د ژوند په هره برخه کې ددوی د لاسنیوي او دوی ته د ښه ژوند برابرولو برنامې پکار اچولي
ښاغلي حقاني د قومونو او ولسونو ترمنځ په یووالي ټینګار وکړ او زیاته یې کړه مونږ د هېواد د آزادۍ او اسلامي نظام د قیام لپاره په ګډه مبارزه کړې او اوس یې ساتنه هم زمونږ د ټولو ګډه وجیبه ده
د ننګرهار ولایت قومي مشرانو په یوه خوله د مهاجرینو په برخه کې د اسلامي امارت ښه مدریت او کړنې وستایلې او ډاډ یې ورکړ، چې په ورین تندي به د خپلو مهاجرینو ورونو کوربه توب کوي او په هره برخه کې چې ددوی توان وي لاسنیوی به یې کوي
په ناسته کې یادو مشرانو خپلې ستونزې او مشکلات هم شریک کړل
د مهاجرینو چارو وزیر ډاډ ورکړ، چې ستونزې به یې له اړوندو ارګانونو سره شریکې او د حل لپاره به یې هلې ځلې وکړي

تازه خبرونه

پنجشنبه ۱۴۰۲/۱۲/۳ - ۱۳:۱۸
Background image

مسلکي مرستیال د مهاجرت نړیوال سازمان د بې ځایه شویو د څارنې د پروګرام له مسول سره ولیدل

د مهاجرینو وزارت مسلکي مرستیال مولوي عبدالرحمن راشد په افغانستان کې د مهاجرت د نړیوال سازمان څارنې پروګرام (DTM) له رییس ښاغلي یاسین الحمداني سره پخپل کاري دفتر کې ولیدل.

مسلکي مرستیال. . .

چهارشنبه ۱۴۰۲/۱۲/۲ - ۲۰:۲۸
Background image

د وزارت مسلکي مرستیال او د غزني ولایت امنیه قوماندان لیدنه وکړه

د مهاجرینو او راستنېدونکو وزارت مسلکي مرستیال مولوي عبدالرحمن راشد د غزني ولایت له امنیه قومندان مولوي مخدوم محمد عالم رباني او مل پلاوي سره پخپل کاري دفتر کې ولیدل.

په دې لیدنه کې. . .

چهارشنبه ۱۴۰۲/۱۲/۲ - ۲۰:۲۸
Background image

د مهاجرینو په وزارت کې د بې ځایه شویو د لېږد په موخه د همغږۍ ناسته وشوه

خپلو اصلي ځايونو ته د بې ځايه شويو کسانو د لېږد د همغږۍ ناسته د مهاجرت نړيوال سازمان د استازو او په افغانستان کې د ملګرو ملتونو د بشري مرستو د همغږي کوونکي په شتون کې د داخلي بې ځايه. . .

بېرته خبرونه ته