تېره شپه د پاکستان د حيد آباد له زندانه سلګونه خوشي شوي افغان مهاجر کندهار ته ولېږدول شول
(۳۱۰) افغان مهاجر چې د پاکستان د حيدرآباد له زندان څخه را خوشې شوي وو، تېره شپه (۹) بجې د سپين بولدک د مهاجرينو چارو آمريت ته را ورسېدل.
د سرچينې په خبره په راخوشې شوو مهاجرو کې (۵۲) کورنۍ، چې ( ۱۳۸) تنه کېږي (۱۲۷) تنه نور مجردين ول، چې پکې ماشومان، ځوانان او مشران شامل وو.
سرچينې زياتوي چې ياد کسان د را رسېدو وروسته د ياد آمريت له لورې ثبت او راجستر شوي او د اړتيا وړ مرستې ورسره ترسره شوي دي.
د سپين بولدک د ماجرينو چارو د آمر په خبره ياد شوي کسان د مهاجرت نړيوال سازمان (IOM) په همکارۍ قندهار ولايت ته لېږل شوي او د بشري مرستو د ترلاسه کولو په موخه ذکر شوي دفتر ته ور پېژند شوي دي.
د ويلوده، چې د افغانستان سفارت او په اسلام آباد کې د مهاجرينو چارو وزارت داتشې په هلو ځلو تر اوسه سلګونه افغان مهاجر د پاکستان له زندانونو څخه خوشي شوي او هېواد ته را لېږل شوي دي.
