د مهاجرینو چارو په وزارت کې د پلان جوړونې او راپور ورکولو یو ورځنی ورکشاپ جوړ شو
د چارو ادارې لوی ریاست د پالیسۍ معاونیت د کار پوهانو په همکارۍ د مهاجرینو او راستنیدونکو چارو وزارت یو شمېر کارکوونکو لپاره د پلان جوړونې او راپور ورکولو یو ورځنۍ ورکشاپ د وزارت د کنفرانسونو په تالار کې جوړ شو.
د دغه وزارت د پلان او پالیسۍ رییس مولوي محمودالحق احدي د پلان جوړونې او راپور ورکولو اهمیت په ډاګه کړ او د دې ورکشاپ جوړېدل یې د هراړخیز پلان جوړولو په برخه کې د کارکوونکو د مهارتونو د لوړولو لپاره یو اغېزمن ګام وباله.
په دې ورکشاپ کې د چارو ادارې د عمومي ریاست متخصصینو د وزارت د اړوند مرکزي ریاستونو اجرائیوي مدیرانو او د راپور ورکولو مسوولینو ته د پلان اړوند د راپور ورکولو او بودجې په اړه پریزنټیشن وړاندې کړ.
