دمهاجرينو چارو مسلکي مرستیال نيمروز ولايت ته لاړ
د مهاجرینو او راستنېدونکو چارو وزارت مسلکي مرستیال الحاج مولوي عبدالرحمن راشد د خپل سفر په لړ کې نیمروز ولایت ته لاړ.
ښاغلي راشد د نیمروز ولایت د مهاجرینو او راستنېدونکو چارو ریاست لیدنه وکړه او د دې ریاست له رییس او کارکوونکو سره یې وکتل او ویې ویل چې زموږ کاري لومړیتوب بېځایه شویو او راستنېدونکو ته خدمت دی.
د نیمروز د مهاجرینو چارو رییس الحاج عبدالله ریاض مسلکي مرستیال او ورسره مل پلاوي ته ښه راغلاست ووایه او د خپل ریاست د چارو او کړنو په اړه یې له ښاغلي راشد سره معلومات شریک کړل.
د وزارت مسلکي مرستیال دندو ته پر پابندۍ، د چارو په ترسره کولو کې پر روڼتیا او له مراجعینو سره پر ښه چلند باندې ټینګار وکړ، چې د نمیروز د مهاجرینو چارو ریاست د کارکوونکو له لوري د همکارۍ ډاډ ورکړل شو.
