د مهاجرینو چارو وزارت اداري ناسته وشوه
د مهاجرینو او راستنېدونکو چارو وزارت د مالي او اداري مرستیال ښاغلي شیخ کلیم الرحمن فاني په مشرۍ او د رییسانو او مسولانو په ګډون د وزارت اونیزه اداري ناسته وشوه.
ناسته قران کریم په څو مبارکو ایتونو پیل شوه او د تېرې ناستې د پرېکړو په تعقیب د افغاني سرې میاشتې په ځانګړې اونۍ کې د مرستې غوښتنو، د میدان وردګ ولایت د مهاجرینو چارو آمریت اړوندو کورونو، په تورخم کې د عمري مېشتغالي د کارکوونکو د تشکیل او د دایمي حللارو د موندنې کاري ټیم د کاري لایحې په اړه خبرې وشوې.
د وزارت مالي او اداري مرستیال د ناستې ګډونوالو ته اړینې لارښوونې او سپارښتنې وکړې او مسولینو ته یې پر دقیقو، اغېزناکو او ګړندیو کړنو ټینګار وکړ.
