لغمان کې د یو ښوونځي د بنسټ تيږه کېښودل شوه
د لغمان ولایت په بدیع الاباد په سیمه کې د دغه ولایت د والي، د سیمه ییزو چارواکو او د همکارو موسسو د استازو او سیمې د خلکو په شتون کې د کب پر نهمه نېټه د نجونو د یو ښوونځي د بنسټ تیږه کېښودل شوه.
د لغمان ولایت والي شیخ شیر احمد حقاني خبرې وکړې د همکارو بنسټونو او د دغه ولایت د مهاجرینو چارو ریاست د همکارۍ مننه یې وکړه.
د لغمان د مهاجرینو چارو رییس مولوي غلام الرحمن بلال په دې مراسمو کې وویل: دا ښوونځی د ۳ سوه ۴۲ زره امریکایي ډالرو په ارزښت د ملګرو ملتونو عالي کمېشنرۍ له لوري د بېځایه شویو، راستنو شویو او د سیمې د خلکو لپاره جوړ شوی دی، چې د ۱۲ ټولګیو یوه دوه پوړیزه ودانۍ ده، د لمریزې بریښنا سیستم، د اوبو رسونې شبکه، میز، چوکۍ او د احاطې دیوال لري.