کابل کې له لسګونه کورنیو سره نغدي مرسته وشوه
د مرغومي په ۱۲ مه نېټه د کابل په اتمه ناحیه کې له ۸۰ اړمنو او مستحقو کورنیو سره نغدي مرسته وشوه.
دغه کورنۍ چې له وړاندې د کابل مهاجرینو ریاست له لوري پېژندل شوې وې، هرې کورنۍ ته ۲ زره ۹۰۰ افغانۍ او د خوارځواکۍ د مخنیوي لپاره یوه بسته خوراکي مواد ورکړل شول.
د یو بل خبر له مخې، سرپل ولایت کې د مرغومي په ۱۳ مه نېټه له ګاونډیو هېوادونو ۳ راستنو شویو کورنیو سره نغدي مرسته وشو.
په دې مرستو کې د ولایتي ټاکل شوې کمېټې له لورې هرې کورنې ته ۲ زره افغانۍ ورکړل شوې.