نیمروز: د مهاجرینو چارو وزارت د مسلکي مرستیال په شتون کې یو روغتیايي مرکز ګټې اخیستنې ته وسپارل شو
د مهاجرینو او راستنېدونکو چارو وزارت د مسلکي مرستیال مولوي عبدالرحمن راشد او مل پلاوي په شتون کې د نیمروز ولایت د مرکز زرنج ښار شاوخوا د سیاه چشمان په کلي کې یو روغتیايي مرکز ګټې اخیستنې وسپارل شو.
دا روغتيايي مرکز په يو پوړ کې ١٦ خونې لري، چې د ملګرو ملتونو د کډوالو عالي کمېشنرۍ په مالي مرسته د ١٥٧ زره ٣٣٥ امريکايي ډالرو په لګښت جوړ شوى دى.
ښاغلي راشد د دغه روغتیايي مرکز پرانیستلو باندې خوښي وښوده او د دغه مرکز جوړېدل یې د مهاجرینو د روغتیايي ستونزو د حل لپاره غوره اقدام وباله.
