د مهاجرینو چارو سرپرست د پنجشیر ولایت د مهاجرینو چارو آمريت څخه لیدنه وکړه
د مهاجرینو او راستنېدونکو چارو سرپرست وزیر الحاج خلیل الرحمن حقاني په داسې حال کې چې د مهاجرينو چارو وزارت یو شمېر رئیسانو یې ملتیا کوله د پنجشیر ولایت د مهاجرینو چارو آمريت له مختلفو شعبو څخه لیدنه وکړه او د هغوی غوښتنې او وړاندیزونه یې له نږدې واورېدل
ښاغلي حقاني ددغه امریت له کارکوونکو سره د ناستې پرمهال په اخلاص، اطاعت، همغږۍ، روڼتیا، د کاري بهیر په چټکتیا او نورو اړینو اصلاحاتو په رامنځته کولو ټینکار وکړ
د پنجشیر د مهاجرینو چارو امر حاجي محمد رها ابرار ښاغلي حقاني ته د ریاست د فعالیتونو په اړه معلومات وړاندې کړل او د چټکتیا او روڼتیا په اړه یې ډاډ څرګند کړ
په پای کې ددغه امریت کارکوونکو خپلې ستونزې او مشکلات شریک کړل، چې د حقاني صیب له لورې د حل ډاډ ورکړل شو
