له پاکستان څخه څه دپاسه سل جبري راستنې شوې کورنۍ دهېواد له پولو څخه راستنې شوې

 په سرحدونو کې د جبري راستنېدونکو د ستونزو د حل په موخه د عالي کمېسيون د راپور له مخې، د سلواغې په ١٣مه له پاکستان څخه د ننګرهار، کندهار، نيمروز، هرات او پکتيکا ولايتونو له پولو څخه د ٢٥٧ جبري راستنېدونکو په ګډون ١٠٣ کورنۍ راستنې ثبت او بایومتریک شوې.

 د ۱۲۰ کسانو په ګډون ۲۴ کورنۍ خپلو اصلي ځایونو ته انتقال او کرایه ورکړل شوې، له ۴۷ کورنیو سره نغدي مرسته شوې، د ۷۴۳ کسانو درملنه شوې، ۱۸۶ سیم کارتونه، د خوراکي توکو چمتو شوي بستې، د څښاک اوبه او ژمنۍ جامې په یادو پولو کې د ګمارل شوو کمېټو له خوا ورکړل شوې دي.

دغه راز يادو شويو کورنيو ته د اطلاعاتو د کمېټې او د امربلمعروف او نهی المنکر استازو مهاجرینو ته  د نوم ليکنې، لېږد، مالي مرستو، د لنډ مهاله استوګنې او د هېواد پېژندنې، اسلامي نظام، مهاجرت، صبر او زغم، ښوونې او روزنې په اړه ګټور معلومات وړاندې کړل.

 لسګونه هغه کسان چې مسلکي او مسلکي اسناد یې درلودل د چاودیدونکو توکو، پاکوالي، ساتنې او عمومي پوهاوي په اړه راستنیدونکو ماشومانو ته ور وپیژندل شول او دوی ته د رواني روغتیا په موخه د لوبو او تفریح پروګرامونه هم ورکړل شول