د پاکستان څخه له زرو زيات افغان مهاجر وطن ته راستانه شول
د د ننګرهار ولايت د مهاجرينو چارو رياست له پاکستان څخه د ليندۍ په لومړۍ نېټه د يوزرو او ۶۵۵ تنه افغان مهاجرو د راستنېدو خبر ورکړ.
د ننګرهار ولايت د مهاجرينو چارو رياست د راپور پر بنسټ ۳۲۸ کورنۍ، چې يو زرو او ۶۵۵ تنه کېږې په خپله خوښه او جبري توګه له پاکستان څخه هېواد ته راستانه شوي او د مهاجرينو چارو ادارې کې د نومليکنې وروسته د مرستو د ترلاسه کولو په موخه د مهاجرت نړيوال سازمان او د ملګرو ملتونو د کډوالو ادارې ته ور پېژندل شوي دي.
د يوبل خبر له مخې د ننګرهار ولايت د مهاجرينو چارو رئيس د Nove onlus مؤسسې له عمومي رئيسې سوسانا فيورټي سره په تورخم کې ليدنه وکړه.
په دې ليدنه کې په ځانګړي توګه د اجباري راستنېدونکو د ستونزو پر حل خبرې وشوې.
د ننګرهار ولايت د مهاجرينو چارو رئيس له هغوی څخه د لومړنيو مرستو سربېره د کوچنيو کارونو د برابرولو غوښتنه وکړه.
مېرمن سوسانا فيورټي په په راتلونکي کې له اجباري راستنېدونکو سره د ملاتړ او همکاريو ډاډ ورکړ.