د پاکستان او ايران څخه له ۵ زرو زيات افغان مهاجر وطن ته راستانه شول
![-](/sites/default/files/2023-10/%D9%87%D8%B1%D8%A7%D8%AA2_1.jpg)
د هرات ولايت د اسلام قلعې د مهاجرينو چارو رياست د معلوماتو پر بنسټ ۳ زره او ۵۹۱ تنه، چې پکې کورنۍ او مجردين شامل وو په خپله خوښه او جبري توګه هېواد ته راستانه شول، چې له ډلې يې ۴۴۵ تنه د مرستو د تر لاسه کولو په موخه د مهاجرت نړيوال سازمان او د ملګرو ملتونو دکډوالو ادارې ته ور وپېژندل شول، چې ور سره د خوراکي او غير خوراکي توکو مرستې وشوې.
د يو بل خبر له مخې يو زرو او ۵۸۵ تنه افغان مهاجر د هرات ولايت د اسلام قلعې له لارې په خپله خوښه او جبري توګه د لړم په ۳مه هېواد ته راستانه شوي دي.
د هرات ولايت د اسلام قلعې د مهاجرينو چارو د آمر په خبره د يادو کسانو له ډلې ۲۷۶ کورنۍ، چې ۵۸۵ تنه کېږي په خپله خوښه او جبري توګه هېواد ته راستانه شوي او د مهاجرينو چارو ادارې کې د نوم ليکنې وروسته د مرستو د ترلاسه کولو په موخه د مهاجرت نړيوال سازمان او د ملګرو ملتونو د کډوالو ادارې ته ور پېژندل شوي دي.