غزني کې د پېژند پاڼې او یو شمېر مهمو اسنادو د عامه پوهاوي پروګرام تر سره شو
د غزني ولایت د مهاجرينو چارو ریاست د چنګاښ په (٢٢) مه په دغه ولایت کې د پېژند پاڼې او یو شمېر مهمو اسنادو د عامه پوهاوي پرګرام د تر سره کېدو خبر ورکړ.
دغه برنامه د ډنمارک د مهاجرینو ټولنې د دفتر په همکارۍ د غزني ولایت د قره باغ ولسوالۍ د فیروګي په کلي کې د (۶۰) بېځایه شوو، راستنېدونکو او ځایي اوسېدونکو لپاره تر سره شوه.
په یاده برنامه کې د غزني ولایت د مهاجرینو چارو ریاست استازي ګډونوالوته د پېژند پاڼې د تر لاسه کولو او شمېر نورو اسنادو د عامه پوهاوي په اړه معلومات ورکړل.