د مهاجرينو او راستنېدونکو چارو وزارت سرپرست وزير الحاج خليل الرحمن حقاني د هرات ولايت د مهاجرينو چارو رياست څخه ليدنه وکړه

د مهاجرينو او راستنېدونکو چارو وزارت سرپرست وزير الحاج خليل الرحمن حقاني د پلاوي په ملتيا د هرات ولايت د مهاجرينو چارو رياست څخه ليدنه وکړه.
هغه لومړی د رياست کارکوونکو ته د نوي رئيس د تعين کيدو په اړه مبارکي وويله، او بيا يې د وزارت په اړوند چارو رڼا واچوله، د هغوي چارې يې وارزولې او هغوي ته یې د اطاعت، د کارونو په روڼتيا، چټکتيا، پر وخت د چوپړتیاوو د رسولو او فساد د مخنيوي په اړه لازمې لارښوونې وکړې.
ښاغلي وزير صاحب زياته کړه؛ چې څه امکانات د وزارت په لاس کې وي، تاسو ته به يې وخت په وخت درکوو.
همدارنګه هغه د هرات ولايت د مهاجرينو چارو رياست ستونزې واوریدې او د حل ډاډ يې ورکړ.