له شپږو زرو زيات افغان مهاجر وطن ته راستانه شول
د هرات ولايت د اسلام قلعه او نيمروز ولايت د ورېښمو پل له لارې د ايران څخه د سلواغې د( ۲۷) مې څخه تر ( ۲۸) مې ( ۶۷۰۳) تنه افغان مهاجرينو هېواد ته راستانه شول.
د هرات ولايت او نيمروز ولايت د مهاجرينوچارو ادارو د معلوماتو له مخې د يادو راستنېدونکو له ډلې ( ۳۱۳۴) تنه د اسلام قلعه او ( ۳۵۶۹) تنه د ورېښمو پل له لارې هېواد ته راستانه شوي، چې له ډلې يې ( ۷۶۱) تنه د مرستو په موخه د مهاجرت نړيوال سازمان (IOM ته ور وپېژند شول.