دکاپيسا ولايت د راستنېدونکو د بيا يوځای کېدو ولايتي کمېټه او معلوماتي سيستم پرانيستل شو
د کاپيسا ولايت د راستنېدونکو او بېځايه شوو د بيا يوځای کېدو ولايتي کمېټه او معلوماتي سيستم د کاپيسا ولايت د مرستيال والي، دولتي او همکارو مرستندويه بنسټونو او د مهاجرينو چارو وزارت د پلاوي په شتون کې د (UNHCR) د فتر په همکارۍ د ليندۍ په لومړۍ نېټه پرانيستل شوه.
د کاپيسا ولايت مرستيال والي د مهاجرينو چارو وزارت د پلاوي څخه د راستنېدونکو او بېځايه شوو د بيا يوځای کېدو کمېټې او معلوماتي سيستم د پرانيستې له امله مننه وکړه او ټينګار يې وکړ، چې د راستنېدونکو او داخلي بېځايه شوو وضعيت ته د رسېدو لپاره دې ملي او نړيوالو مرستندويه بنسټونو همغږي او د يوچتر لاندې راټول شي،ترڅو د مستحقينو د پېژندنې په برخه کې له موږ سره مرسته وکړي او لازم خدمات ورته وړاندې شي.
وروسته د مهاجرينو چارو وزارت پلاوي د پرزنټيشن له لارې د کمېټې د موخو، د معلوماتي سيستم او د کاري فعاليتونو د تګلارې په اړه ګډنوالو ته معلومات وړاندې کړل.