پنجشېر کې د راستنېدونکو د بيا يوځای کېدو ولايتي کمېټه پرانيستل شوه
د پنجشېر ولايت د راستنېدونکو د بيايوځای کېدو ولايتي کمېټه او معلوماتي سيستم د (UNHCR) دفتر په همکارۍ د لړم په ( ۲۸) مه بياځلې فعاله شو.
په مراسمو کې چې په همدې موخه د دغه ولايت د يوشمېر دولتي ادارو او همکارو مرستندويه بنسټونو د استازو په شتون کې ترسره شول ، د پنجشېر ولايت والي په خپلو خبرو کې د مهاجرينو چارو وزارت څخه د دغه سيتم رامنځ ته کول او برېښنايي کول د راستنېدونکو او داخلي بېځايه شوو وضعيت ته د رسېدو په برخه کې يو نېک اقدام.
هغه د مهاجرينو چارو وزارت د کړنو او پلاوي څخه مننه وکړه ويې ويل، د دغه ولايت سيمه ييز چارواکي په راتلونکي کې د يادې کمېټې د دندو او د طرحې له مخې د ناستو په جوړولو کې ژمن او چمتو دي.
وروسته د وزارت پلاوي د بيا يوځای کېدو کمېټې د موخو، دندو، د کمېټې د کاري تګلارې او د انلاين معلوماتي سيستم په اړه ګډنوالو ته معلومات ورکړل.