د پروان ولايت د مهاجرينو ښارګوټي د نجونو د ښوونځي تخنيکي ارزونه وشوه
د پروان ولايت د اړوندو ادارو ګډ پلاوي د تلې په (۲۶) مه د هغه ولايت د مهاجرينو ښارګوټي د نجونو د ښوونځي تخنيکي ارزونه وکړه.
د ياد ښوونځي ودانۍ، د يونيسار دفتر له بوديجې جوړه شوه او د پروان ولايت د مهاجرينو چارو رياست په وړانديز، د ولايت مقام په لارښوونه د يوشمېر ادارو ګډ پلاوی جوړ او د هغه ښوونځي د تعمير تخنيکي ارزونه يې له نږدې وکړه او قراردادي شرکت ته يې لار ښوونه وکړه، چې د يادې ودانۍ ستونزې حل کړي تر څو د ودانۍ د سپارلو او پرانيستې پروخت عملي شي.