افغان سفير د پناه غوښتونکو مرستيالې سره ليدنه وکړه
د کډوالو او راستنېدونکو چارو وزارت د پناه غوښتونکو مرستيالې په يونان کې افغان سفير ميرويس صمدي سره په هغه هېواد کې دافغان کډوالو پروضعيت خبرې وکړې.
هغې د افغان سفير څخه غوښتنه وکړه،چې په موريا کمپ کې دې د ماشومانو وضعيت ته پاملرنه وکړي او دکډوالو چارو وزارت همکاري دې وساتي.
اتن کې مېشت افغان سفير د کډوالو وضعيت په اړه معلومات ورکړل ويې ويل، چې په يونان کې افغان کډوال په دريو برخو وېشل شوي: هغه کډوالو چې د پناه غوښتنې دوسيه يې منل شوي. هغه خلک چې دوسيه يې دوام لري او هغه افغان کډوالو چې د يونان هېواد دنوي قانون په اساس يې د پناه غوښتنې يې د اوسېدو کمه موده ترلاسه کړې.
ښاغلي صمدي د کډوالو او راستنېدونکو چارو وزارت د پناه غوښتونکو مرستيالې او په ځانګړي توګه د وزارت د ليږل شوي استازي دهڅو ستاينه وکړه ويې ويل، چې د کډوالو چارو وزارت استازي په شخصي توګه په موريا کمپ کې افغان کډوالو ته د خدمتونو وړاندې کړي او څارلي او دا د هغه او کډوالو چارو وزارت د رښتني او ښه احساس ښودنه کوي.
