ننګرهار کې بې ځايه شويو کورنيو سره بشري او خپلو سيمو ته د هغوي د لېږد په موخه مرستې پيلېږي
د کډوالو او را ستنېدونکو چارو وزارت د پلان او پالېسۍ سرپرست مرستيال مهر خدا صبار په مشرۍ يو لوړ پوړي پلاوي ننګرهار ته د خپل سفر پر مهال د غبرګولي په ۲۶ مه د جلال اباد ښاروالۍ مېلمستون کې ددې ولايت له والي، ولايتي شورا غړو او يو شمېر ادارو مسولينو سره ناسته وکړ
په دغه ناسته کې د کډوالو او را ستنېدونکو چارو وزارت د پلان او پالېسۍ سرپرست مرستيال مهر خدا صبار وويل، دې ولايت ته يې له سفر څخه موخه په امن ولسواليو کې د بېځايه شوو بيا ځای پرځآی کېدنې پروژې پلې کول دي، چې په ترڅ کې به يې هغه کورنۍ خپلو سيمو ته وليږدول شي، چې په ۲۰۰۵ کال کې بې ځايه شوي دي.
ښا غلي صبار زياته کړه، چې ۶۴۰۰ بې ځايه شويو کورنيو سره د کډوالو چارو وزارت له بوديجې بشري مرستې کوي او همدا راز د دې ولايت داخلي بې ځايه شويو کورنيو ته به د ژمنيو مرستو رسولو په برخه کې هم اقدامات تر سره شي،هغه د يادو پروګرامونو دپلي کولو په برخه کې ننګرهار والي څخه د مرستې غوښتنه وکړه.
ننګرهار والي شاه محمود مياخيل د کډوالو چارو وزارت له کړنو مننه وکړه او وويل،له کډوالۍ را ستنې شوې اتيا سلنه کورنۍ په دې ولايت کې ميشت کيږي او د مګړۍ د هېواد شاوخوا ۱۷ ولايتونو اوسېدونکي په ننګرهارکې اوسيږي،چې ورته د ښو خدمتونو د ترسره کولو په موخه لازمو مرستو ته اړتيا ده. ده ننگرهار والی له کډوالۍ را ستنوو شوو کورنيو ته د هر ډول خدمتونو د ترسره کولو پر مهال د هر ډول همکارۍ ډآډ ورکړ.
په همدې حال کې د کډوالو او را ستنېدونکو چارو وزارت د پلان او پالېسۍ سرپرست مرستيال په هغه ولايت کې د نړيوالو موسسو د بشري مرستو له وېش څخه ليدنه وکړه او د يادو موسسو له مسولينوڅځه يې د مرستو په وېش کې د زياتې روڼتيا غوښتنه وکړه.
