د کډوالو او راستنېدونکو چارو وزارت، یو شمېر کارکوونکو لپاره د قرآن کریم د تجوید ځانګړې روزنیزه برنامه پیل شوه
نن یکشنبه د ١٤٠٤ لمریز کال د حمل میاشتې په ٢٤مه د کډوالو او راستنېدونکو چارو وزارت کې ١٥ تنو ته د قرآن کریم د تجوید درې میاشتنی ځانګړی روزنیز پروګرام پیل شو.
په هغه مراسمو کې چې په همدې مناسبت د وزارت د کنفرانسونو په تالار کې جوړ شوي وو، د وزارت د دعوت او ارشاد رئیس مولوي محمد جان خدرخېل وویل:
موږ ټول مکلف یو چې قرآن کریم له ټولو احکامو سره سم زده کړو او خپلې ستونزې د دې مقدس کتاب او د مبارک دین اسلام د لارښوونو له مخې حل کړو.
ښاغلي خدرخېل ګډونوالو ته په ورځني ګډون او د تجوید د زده کړې په سمه طریقه ټینګار وکړ.
ګډونوالو هم د دې ډول پروګرامونو له جوړېدو خوښي وښوده او دا یې د قرآن کریم د لا ښه زده کړې لپاره ګټور وباله.
