د مهاجرینو چارو وزیر د هزاره ګانو له مشرانو سره وکتل
د مهاجرینو او راستنېدونکو چارو وزیر الحاج خلیل الرحمان حقاني د ښاغلي اسدالله سعادتي په مشرۍ د هزاره قوم له استازو سره په خپل کاري دفتر کې ولیدل
په دغه ناسته کې د هزاره ګانو په ستونزو او مشکلاتو خبرې وشوې
ښاغلي حقاني وویل په اسلامي نظام کې قومي، سمتي، تنظیمي او مذهبي تعصبات ځای نلري، افغانستان د ټولو ګډ کور دی او د افغانستان هر وګړی د بل په څېر محترم او د قدر وړ دی
نوموړي ډاډ ورکړ، چې ددوی مشورې، غوښتنې او ستونزې به له اړونده ارګانونو سره شریکې کړي او په اړه به یې لازم اقدامات ترسره کړي
