د تخار ولايت د نوې ځای پر ځای کېدنې کمېټه پرانيستل شوه
په تخار ولايت کې د نوې ځای پرځای کېدنې کمېټه او معلوماتي مرکز د تېرې دوشنبې په ورځ د غويي په ۹مه پرانيستل شوه.
ددغې کمېټې او د کډوالو معلوماتي مرکز د پرانيستې مراسيم چې د تالقانو په ښار کې د تخار ولايت د کډوالو چارو په رياست کې جوړ شوي و په کې د ولايت مرستيال محمد فريد ذکې، د کډوالو وزارت د راستنېدونکو او نوې ځای پرځای کېدنې عمومي رييس رحمت الله حکيمي ، د مدني ټولنو غړو، د دولتي ادارو چارواکو او د يو شمېر نړيوالو ادارو استازو شتون درلود.
په همدې حال کې د خوراک نړيوال سازمان (WFP) د تخار ولايت د کډوالو چارو رياست په همکارۍ د تېرې چهار شنبې په ورځ د غويي په ۱۱مه ۴۶۵ بېځايه شوو کورنيو سره د خوراکي موادو مرسته هم وکړه.
