د بيا يوځای کېدو او دايمي حل لارو کاري ډلې خپله لومړنۍ ناسته وکړه
د بيا يوځای کېدو او دايمي حل لارو کاري ډلې لومړنۍ ناسته دکډوالو او راستنېدنکو چارو د وزير نور الرحمن اخلاقي په مشرۍ د يوشمېر ملي او نړيوالو مرستندويه ادارو د استازو په ګډون ترسره وشوه.
دې ته په پام سره چې د کډوالو او راستنېدونکو چارو وزارت اصلي مسؤليت بېځايه شوو او راستنېدونکو لپاره د اغېزمنو خدماتو وړاندې کولو لپاره پالېسۍ جوړونه او همغږې ده. هغه وويل: چې ددې کاري ډلې د رامنځته کولو موخه دهمغږۍ پياوړتيا، د همکاريو موثريت لوړول او خدمت کول دي.
دغه کاري ډله به د بېځايه شوو او راستنېدونکواړتياوو پېژندلو او دستونزو حل کولو او پلي کولو پر اساس د پرېکړو څرنګوالي په اړه کار وکړي او ډاډ به ترلاسه کړي چې د۲۰۲۰ کال د جينوا په کنفرانس کې د دوامداره بيا يوځای کېدو په اړه د افغانستان ژمنې پوره کېږي،چې د کډوالو د دوامداره بيا يوځای کېدو په په برخه کې فعاليتونه کوي.
سربېره پردې اخلاقي وويل: د ادارو ترمنځ د همغږۍ نشتوالی د دې سبب شوی چې بېځايه شوو او راستنېدونکو لپاره د خدماتورسولو پروسه ګډه وډه کړي. موږ هڅه کوو چې د بېځايه کېدو په برخه کې د مخکښو هېوادونو تجربه وکاروو او د کار په بدل کې مرستو ته وده ورکړو.
په دغه ناسته کې دکډوالۍ په برخه کې د ولسمشر سلاکار، دملګرو ملتونو دکډوالو ادارې (UNHCR) رئيس، دسيمه ييزو ارګانونو خپلواکې ادارې مرستيال، د وزارتونو مرستيالانواو استازو، د کډوالۍ نړيوال سازمان (IOM) استازي، د(UN-HABITAT) استازي او د سرې مياشتې ادارې استازو په دغه ناسته کې ګډون کړی و.
