دکډوالو چارو وزارت دپناه غوښتونکو مرستيالې د امريکاسفارت دکډوالۍ برخې له رئيسې سره وليدل
دکډوالو او راستنېدونکو چارو وزارت دپناه غوښتونکو چارو مرستيالې ډاکټرې عالمې دامريکا سفارت دکډوالۍ برخې له رئيسې اغلې کرې دنور سره د تېرې يکشې په ورځ د وري په ۱۸مه په ياد وزارت کې د کډوالو او د داخلي بېځايه شوو د مديريت پرسر خبر ې اترې وکړې.
اغلې عالمې په دغه ليدنه کې په هېواد کې د دوامداره سولې له راتلو وروسته هېواد ته د (۴) ميليون افغان کډوړالو د راستنېدو يادونه وکړه او له امريکا هېواد څخه يې غوښتنه وکړه، چې په دغه برخه کې دکډوالو چارو وزارت سره پروخت داسانتياوو او خدماتو په برابرولو کې مرسته وکړي.
همداراز دکډوالو چارو وزارت مرستيالې دافغان کډوالو پر خپله خوښه راستنېدنه او دهغوی دلېږد لپاره د چار تر الوتکوپه برابرولو ټينګار وکړ.
