ارزګان کې د راستنېدونکو د بيا يوځای کېدو ولايتي کمېټه پرانيستل شوه
د مهاجرينو چارو وزارت د پلاوي له لورې د (UNHCR) دفتر په همکارۍ د لړم په ( ۲۱) مه په ارزګان کې د راستنېدونکو او بېځايه شوو د بيا يوځای کېدو کمېټه او معلوماتي سيستم بياځلې فعاله شو.
په مراسمو کې چې په همدې موخه د دغه ولايت د يوشمېر دولتي ادارو او همکارو مرستندويه بنسټونو د استازو په شتون کې ترسره شول ، د ارزګان ولايت مرستيال د مهاجرينو چارو وزارت د کړنو څخه مننه وکړه او د مهاجرينو چارو وزارت سره يې د دولتي او همکارو مرستندويه ادارو په دوامداره همغږۍ ټينګار وکړ.
وروسته د وزارت پلاوي د بيا يوځای کېدو کمېټې د موخو، دندو، د کمېټې د کاري تګلارې او د انلاين معلوماتي سيستم په اړه ګډنوالو ته معلومات ورکړل.