د مهاجرینو چارو وزارت او نړۍوالې ادارې د همکارو بنسټونو ترمنځ ګډه تخنیکي ناسته وشوه
د مهاجرینو او راستنېدونکو چارو وزارت په کوربهتوب د کډوالو په چارو کې د ملګرو ملتونو عالي کمېشنرۍ، د کډوالۍ نړۍوالې ادارې، په افغانستان کې د ملګرو ملتونو مرستندویه پلاوي، د نړۍوالې ادارې د پراختیايي برنامو او بشري مېشتېدنې برنامې د استازو په ګډون ناسته وشوه.
د دغې ناستې موخه په بغلان او کندوز کې د دوامدارو پروژو د مدیریت لارښود او همغږۍ لپاره د مسودې جوړول و.
په دغې ناسته کې د همکارو بنسټونو استازو د پروژو د مدیریت په برخه کې د شته ننګونو او فرصتونو په اړه خبرې وکړې او د متقابلې همکارۍ پر ارزښت یې ټينګار وکړ.
د کمېټې غړو هم د یاد وزارت او د نړۍوالې ادارې د همکارو بنسټونو ترمنځ دقیقې همغږۍ ته اشاره وکړه، د راستنېدونکو او بېځایه شویو اړتیاوو، ستونزو حل او روڼتیا په برخه کې یې کلیدي ټکي مطرح کړل.
دغه ناسته د همکارو بنسټونو ترمنځ د همکارۍ زیاتوالي، کډوالو او داخلي بېځایه شویو ته د ښو خدمتونو وړاندې کولو په برخه کې وشوه او تمه کېږي، چې د راستنېدونکو د ژوند په ښهوالي کې غوره پایلې ولري.
