د مهاجرینو چارو وزارت پلاوی کندز ولایت ته د بې ځایه شویو د لېږد د ترتیب په موخه لاړ
د مهاجرینو چارو وزارت د بېځایه شویو وضعیت ته د رسېدنې د رییس مولوي سردار شېرزاد په مشرۍ پلاوی کندز ولایت ته د بې ځایه شویو د لیږد د ترتیب په موخه لاړ.
د پلاوي مشر د کندوز له مرستيال والي مولوي حبيب الرحمن صهيب او د دغه ولايت د مهاجرينو له رییسمولوي عبدالولي محمدي سره وکتل او دغه ولايت ته يې د سفر موخې او لازم اقدامات بيان کړل.
شيرزاد له کابل ولايت څخه کندز ولايت چهاردرې ولسوالۍ ته د راستنېدونکو او بې ځايه شويو کسانو په باب لازم معلومات وړاندې کړل او هغه خبرې چې د ملګرو ملتونو له ادارو سره مطرح شوې دي څرګندې کړې .
په دې ناسته کې د ملګرو ملتونو د همکارو بنسټونو او د امارتي ادارو له استازو سره پر همکارۍ هم ټینګار وشو.
مرستیال والي په خپلو خبرو کې د پلاوي غړو او د کندز د مهاجرینو رییس ته د هر ډول همکارۍ ډاډ ورکړ.
