له تورخم څخه زرګونه کورنۍ بېلابېلو ولايتونو ته ولېږدول شوې
د اجباري راستنېدونکو وضعيت ته د لاسرسي ترانسپورتي کمېټې د لړم په ۱۲مه د ننګرهار ولايت د تورخم څخه زرګونه کورنۍ بېلابېلو ولايتونو ته ولېږدولې.
د يادې کمېټې د راپور پر بنسټ د مهاجرينو خپلو سيمو او له تورخم عبوري ګذرګاه څخه کمپونوته د انتقالاتو دغه لړۍ دوام لري.
سرچينې زياتوي، چې د ملي دفاع وزارت د تحرکاتو لوا اړوند ۱۰۰ عرادې غټ نقليه وسايط په عبوري ګذرګاه کې په خدمت بوخت دي.