د پناه غوښتونکو د مرستيال ژوند ليک

ښاغلی وفي الله کاکړ پر ( ۱۳۵۹ل) کال کې دکندهار ولايت په لرغوني ښارکې په يوه وطنپاله او روڼ اندې کورنۍ کې زېږېدلی دی.

لومړنۍ زده کړې يې په کندهار کې د احمد شاه بابه  په لېسه کې سرته رسولي او له دې وروسته يې له خپل وطن سره خدای پاماني وکړه او پاکستان ته کډوال شو.  دکډوالۍ پرمهال يې خپلې لوړې زده کړې د کوېټې ښار په بلوچستان پوهنتون کې د اقتصاد او سياست په برخه کې  وکړې. ښاغلي کاکړ خپله لومړنۍ ماستري د کوېټې ښار بلوچستان پوهنتون په نړيوالو اړيکو کې وکړه او دوهمه ماستري يې د لندن پوهنتون  په نړيوالو اړيکو او ډيپلوماسۍ کې وکړه.

کاري تجربې

ښاغلي وفي الله کاکړ له دې مخکې په لاندې برخه کې دندې ترسره کړي دي

۱-  دپاکستان په کوېټه کې دملګرو ملتونو دکډوالو ادارې (UNHCR)  دکډوالو ستونزو ته د رسېدو او قانوني کېدو دهمغږۍ مسؤول.

۲- د کندهار په سپن بولدک کې د ملګرو ملتونو دکډوالو ادارې (UNHCR) سيمه ييز امر.

۳- د (USAID) د څارنې او ارزونې متخصص.

۴- په کابل کې د (UNDP) په مرکزي دفتر کې دجندر د بشري حقونو او عدالت مسؤل.

۵- په يونان کې د (DRC ) ادارې د پروګرامونو رئيس.

۶- په ترکيه کې د (DRC ) موسسې سيمه ييز رئيس.

۷- د بريتانيا د نړيوالو اړيکو دپراختيا وزارت (DFID ) کې دنده ترسره کول.

۸- ښاغلی کاکړ مخکی له دې چې د کډوالو چارو وزارت د پناه غوښتونکو مرستيال شي، دکډوالو او داخلي بېځايه شوو په برخه کې د ولسمشر د ستر سلاکار په توګه يې دنده ترسره کړې ده.

۹- ښاغلی کاکړ د  ۱۲/ ۷/ ۱۳۹۹  مه د کډوالو او راستنېدونکو چارو  وزارت د پناه غوښتونکو د مرستيال په توګه وټاکل شو.

 

د ژبې مهارتونه

ښاغلی وفي الله کاکړ په پښتو، دري، انګليسي او اردو ژبه باندې پوهېږي او خبرې پرې کولای شي.