دست‌کم چهار میلیون افغان پس از تحقق صلح به افغانستان عودت خواهند کرد

anwari_morr
Tue, Jul 21 2020 8:28 AM
23

سیدحسین عالمی بلخی، وزیر امور مهاجرین و عودت کنندگان در دیدارش با میرویس سرگند کوچی، عضو هیات گفتگو کننده صلح به نمایندگی از وزارت دولت در امور صلح، بیان کرد که بر اساس پیش بینی های این وزارت پس از تحقق صلح درکشور دست‌کم 4 میلیون افغان به کشور بر خواهند گشت.

آقای بلخی که روز یکشنبه،29 سرطان در مقر وزارت با این هیات ملاقات می‌کرد گفت که وزارت امورمهاجرین و عودت کنندگان برای برگشت مهاجرین پس از عملی شدن توافقنامه صلح آمادگی دارد و پلان عملی را جهت مدیریت بازگشت کنندگان و ادغام شان در کشور نیز تهیه کرده است.

وزیر امور مهاجرین افزود "مهاجرینی‌که به دلیل جنگ و نا امنی کشورشان را ترک کرده اند پس از تحقق صلح به کشور برخواهند گشت."

در همین حال، نماینده وزارت دولت در امور صلح برای گفتگوهای میان افغان ها از وزارت امور مهاجرین خواست تا نماینده‌اش را برای تنظیم برنامه‌های دولت در گفتگوهای صلح تعیین کرده تا مطالبات، نگرانی‌ها و برنامه‌های وزارت را در جریان آمادگی‌های دولت افغانستان برای مذاکرات با وزارت دولت در امور صلح و نهادهای دیگر شریک سازد.

وی همچنان افزود که مسایل مهاجرین، زنان و معلولین در گفتگوهای دولت افغانستان با طالبان مهم و کلیدی است و باید این سه موضوع در متن گفتگو قرار بگیرد.

وزیر امور مهاجرین و عودت کنندگان در حالی با این هیات دیدار می‌کند که پروسه‌ی رهایی پنج هزار زندانی طالب از سوی دولت عنقریب رو به اتمام است و قرار است گفتگوهای صلح دولت با طالبان در آینده نزدیک در دوحه آغاز شود.

Latest news

Wed, Mar 04 2020 1:27 PM
Background image

The Deputy Minister of Refugee Affairs and Ambassador of Turkey Discussed on Immigrants Recent Issues

On Tuesday, Hoot 13th, the deputy minister of refugee affairs. Dr. Alema and Turkey’s ambassador Mr. Ozan Ortoghrol discussed on Afghan refugees and recent issues in Turkey. Their. . .

Mon, Oct 14 2019 10:54 AM
Background image

26 Returnees Families Received Cash Assistance in Helmand Province

 On Wednesday October 9, 2019 of the current year DoRR of Helmand province with cooperation of HAPA have assisted cash for those returnees who had come to country in 2018 and 2019

The. . .

Mon, Oct 14 2019 10:53 AM
Background image

Displaced Families Received Contribution in Badghis Province

                              On Thursday October 10, 2019 of the current year DoRR of Badghis province with cooperation of WFP Have assisted food items for 20 displaced families.

 Di. . .

BACK TO NEWS