په تېرو دوه وروځوکې له دوه زرو زيات افغان مهاجر وطن ته راستانه شول
په تېرو دوه ورځوکې د نيمروز ولايت د ورېښمو پل او هرات ولايت د اسلام قلعه له لارې د ايران څخه ( ۲۳۹۵) تنه افغان مهاجرينو هېواد ته راستانه شول.
د معلوماتو له مخې د سلواغې په درېيمه د هرات ولايت د اسلام قلعه له لارې (۱۴۷۸) تنه او د نيمروز ولايت د ورېښمو پل له لارې د سلواغلې په (۲) مه (۹۱۷) تنه افغان مهاجر هېواد ته راستانه شوي.
په يادو راستنېدونکو کې چې په خپله خوښه او جبري توګه راستانه شوي، ( ۴۷) کورنۍ دي چې شمېر يې ( ۱۴۵) تنو ته رسي.
د سرچيني په خبره له ډلې يې ( ۲۹) کورنۍ د (۶۳) تنو نورو مجردينو سره د مرستو په موخه د مهاجرت نړيوال سازمان (IOM) ته ور و پېژند شول.