په پکتیکا کې سلګونو بېځایه شوو کورنیو سره نغدي مرستې وشوې

sadam_morr
Thu, Nov 18 2021 11:04 AM
...

١٤٠٠کال، دلړم(٢٦) مه،کابل: افغانستان دملګرو ملتونو دکډوالو ادارې (UNHCR) په مالي لګښت د ويسټا موسسې له لورې دپکتيکا ولايت دمهاجرينو او راستنېدونکو چارو رياست په همکارۍ (٣٠٠) راستنېدونکو،بېځايه شوو او اړمنو کورنيو سره نغدي مرستې وشوې. په پکتيکا کې دويسټا موسسې استازي وحيد ګل هاشمي په وينا يادې مرستې دملګرو ملتونو دکډوالو ادارې له لورې دويسټا موسسې پرمټ (٣٠٠) کورنيو هرې کورنۍ ته دوه سوه اوپېنځه شپېته امرکايي ډالره نغدې ووېشل شوې. هاشمي وايي، دغه کورنۍ له وړاندې نه د یوې شفافې پروسې له مخې د مهاجرينو او راستنېدونکو چارو له ریاست سره په همغږۍ سروې شوې وې او د مرستې مستحقې بلل شوې وې، چې نن ورته نغدي مرسته ورکړل شوه. نوموړي زیاته کړه، چې د اوس لپاره مرکز او ارګون ولسوالیو کې په یادو شرایطو برابرو کسانو ته مرستې وېشل شوي خو ممکن دا ډول مرستې په راتلونکې کې د پکتیکا په نورو ولسوالیو او سیمو کې هم تر سره شي. د مهاجرينو او راستنېدونکو چارو د ریاست استازي محمداسلم هم وویل: چې دغه کورنۍ د دوی د ریاست او ویستا مؤسسې په ګډه همغږۍ سره سروې او د مرستې لپاره په نښه شوې وې. نوموړی وايي، په یادو مرستو سره به د دې کورنیو یو څه لومړنۍ ستونزې هوارې شي او زموږ هڅه داده، چې په دې سربېره نورې مرستې هم پکتیکا ته راجلب کړو او د بېوزلو بشپړ لاس نیوی وکړو. محمداسلم زیاته کړه، چې تردې وړاندې هم دوی د پکتیکا له کډوالو سره ورته مرستې ترسره کړې دي. بل لورې دپکتيکا اوسېدونکو دمرستندويه بنسټونو او دافغانستان اسلامي امارت څخه غوښتنه وکړه چې دبشري مرستو په برخه کې دې ورته لا ډېره پاملرنه وشي.

Latest news

Sat, Oct 09 2021 5:07 PM
Background image

د کابل ازادۍ پارک څخه پنځه ولايتونو ته ډېر بېځایه شویو کورنۍ خپلو اصلي مېنو ته ستنې شوې

۱۴۰۰کال، تلې، ۱۶مه، کابل؛ افغانستان

د کابل آزادۍ پارک څخه (۲۰۰) بې ځايه شوې کورنۍ په خپله خوښه ستنېدنې برنامې له لارې خپلو اصلي مېنو ته ستنې.

د دغو کورنيو د انتقال پر مهال د کابل د. . .

Mon, Jun 14 2021 2:08 PM
Background image

Civil society organizations in Sweden called for return stop of Afghan migrants

In a virtual conversation with Wafiullah Kakar, Deputy Minister for Refugee Affair, a number of civil society and humanitarian organizations in Sweden called for finding a solution to. . .

Wed, Jun 09 2021 12:15 PM
Background image

Deputy Minister Kakar exchanged with Belgian Ambassador

Wafiullah Kakar, Deputy Minister for Refugee Affairs, met with Belgian Ambassador Mr. Philippe Bronchain on 08 June 2021.

Both sides valued the partnerships between Afghanistan and. . .

BACK TO NEWS